🚩 ‘छत्रपती शिवाजी महाराज महाराजस्व समाधान शिबिर’ला कुडाळमध्ये उत्स्फूर्त प्रतिसाद; आ. निलेश राणेंची उपस्थिती

कुडाळ : ‘छत्रपती शिवाजी महाराज महाराजस्व समाधान शिबिर अभियान’ अंतर्गत भव्य कार्यक्रमास आमदार निलेश राणे यांच्या उपस्थितीत सिद्धिविनायक हॉल, कुडाळ येथे पार पडला
या प्रसंगी उपस्थित सर्व मान्यवरांना शुभेच्छा देत शिवप्रेमी, नागरिक आणि कार्यकर्त्यांशी मनमोकळा संवाद साधला तसेच शासनाच्या विविध जनकल्याणकारी योजनांचा लाभ थेट पात्र लाभार्थ्यांपर्यंत पोहोचविण्याच्या उद्देशाने विविध योजनांतील लाभांचे प्रत्यक्ष वितरण करण्यात आले.
यामध्ये नैसर्गिक आपत्तीमुळे मृत्यू झालेल्या व्यक्तींच्या वारसांना आर्थिक सहाय्य, जात प्रमाणपत्र, जन्म प्रमाणपत्र, महिला सशक्तीकरण योजनेंतर्गत विविध दाखले, संजीवनी आश्रम प्रवेश, केशरी रेशन कार्ड तसेच इतर महसूल विभागाच्या योजनांतील लाभ पात्र लाभार्थ्यांना प्रदान करण्यात आले.
यावेळी शिवसेना उपनेते श्री. संजय आंग्रे, जिल्हाप्रमुख श्री. दत्ता सामंत, जिल्हा परिषद मुख्य कार्यकारी अधिकारी श्री. रवींद्र खेबुडकर, जि. प. उपाध्यक्ष श्री. दादा साईल, कुडाळ सभापती श्री. मिलिंद नाईक, सौ. प्रज्ञा चव्हाण, प्रांताधिकारी सौ. ऐश्वर्या काळूशे, नगराध्यक्षा सौ. प्राजक्ता शिरवलकर, सौ. ममता वराडकर, तहसीलदार श्री. सचिन पाटील, श्री. गणेश लव्हे व अन्य मान्यवर उपस्थित होते.