कुडाळ : स्वातंत्र्य दिनाचे औचित्य साधून सिंधुदुर्ग मिल्लत फाउंडेशनतर्फे १७ ऑगस्ट रोजी कुडाळ येथील सिद्धिविनायक सभागृहात रक्तदान शिबीर आयोजित करण्यात आले आहे. गरजू रुग्णांना वेळेत रक्त उपलब्ध व्हावे आणि रक्तदानाबाबत समाजामध्ये जनजागृती निर्माण व्हावी, या सामाजिक बांधिलकीतून या शिबिराचे आयोजन करण्यात आले आहे. सिंधुदुर्ग मिल्लत फाउंडेशनच्या सामाजिक कार्याचे पाचवे वर्षे असून गेल्या चार वर्षांपासून संस्थेच्या माध्यमातून विविध सामाजिक उपक्रम सातत्याने राबविण्यात येत आहेत.
याच सामाजिक सेवाभावाची परंपरा पुढे नेत स्वातंत्र्य दिनानिमित्त रक्तदान शिबीर आयोजित करण्यात आले आहे. शिबीर सकाळी ९ ते दुपारी १ पर्यंत होणार आहे.
