🇮🇳 ८०व्या स्वातंत्र्यदिनानिमित्त सिंधुदुर्गात उत्साह; पालकमंत्री नितेश राणेंच्या हस्ते ध्वजारोहण

सिंधुदुर्ग : भारतीय स्वातंत्र्याच्या ८०व्या स्वातंत्र्यदिनानिमित्त सिंधुदुर्ग जिल्हा मुख्यालयातील पोलीस कवायत मैदानावर मंत्री मत्यव्यवसाय व बंदरे, महाराष्ट्र राज्य पालकमंत्री नितेश राणेंच्याहस्ते शासकीय ध्वजारोहणाचा कार्यक्रम उत्साहात पार पडला.

राष्ट्रगीत आणि महाराष्ट्राचे राज्यगीत ‘जय जय महाराष्ट्र माझा’ यांच्या सुमधुर स्वरांनी वातावरण देशभक्तीने भारून गेले. भारताच्या स्वातंत्र्यासाठी बलिदान देणाऱ्या असंख्य स्वातंत्र्यसैनिकांच्या त्यागाचे स्मरण करत तिरंग्याप्रती आदर आणि कृतज्ञता व्यक्त करण्याचा हा गौरवशाली दिवस आहे.

यावेळी पोलिस दलाच्या वतीने देण्यात आलेली मानवंदना स्वीकारत राष्ट्रध्वज तिरंग्याला अभिमानाने सलामी देत ध्वजवंदन केले. यावेळी उपस्थित नागरिकांना स्वातंत्र्यदिनाच्या मनःपूर्वक हार्दिक शुभेच्छा दिल्या. यावेळी विविध क्षेत्रांत उल्लेखनीय आणि प्रेरणादायी कार्य करणाऱ्या गुणवंतांचा सत्कार करून त्यांच्या योगदानाचा गौरव करण्यात आला.

या सोहळ्यास आ.दीपक केसरकर, आ.निलेश राणे, जिल्हाधिकारी तृप्ती धोडमिसे, मुख्य कार्यकारी अधिकारी रवींद्र खेबुडकर, पोलिस अधीक्षक मोहन दहिकर, भाजपा जिल्हाध्यक्ष प्रभाकर सावंत, राष्ट्रवादी जिल्हाध्यक्ष अबीद नाईक, माजी आमदार राजन तेली, उपाध्यक्ष दादा साईल आणि नागरिक उपस्थित होते.

Related Posts