🔥 एलपीजी ग्राहकांनो, १६ ऑगस्टपूर्वी ई-केवायसी करा; जिल्हा प्रशासनाचे आवाहन

सिंधुदुर्ग : सिंधुदुर्ग जिल्ह्यातील सर्व घरगुती एलपीजी (गॅस) ग्राहकांनी आपली ई-केवायसी प्रक्रिया १६ ऑगस्टपूर्वी पूर्ण करावी, असे आवाहन जिल्हा प्रशासनाने केले आहे.
सर्व एलपीजी ग्राहकांनी आपल्या संबंधित गॅसवितरकाशी संपर्क साधून अथवा संबंधित तेल विपणन कंपनीच्या अधिकृत मोबाईल अॅपद्वारे ई-केवायसी पूर्ण करावी. त्यासाठी एचपीसीएल ग्राहकांनी HP Pay, बीपीसीएल ग्राहकांनी Hello BPCL, आयओसीएल ग्राहकांनी Indian Oil ONE या अधिकृत मोबाईल अॅपचा वापर करावा. विहित मुदतीत ई-केवायसी प्रक्रिया पूर्ण न झाल्यास तेल विपणन कंपन्यांच्या नियमांनुसार ग्राहकांना घरपोच एलपीजी सिलिंडरचा लाभ मिळण्यात अडचणी निर्माण होऊ शकतात. सर्व ग्राहकांनी १६ ऑगस्टपूर्वी ई-केवायसीची प्रक्रिया पूर्ण करून जिल्हा प्रशासनास सहकार्य करावे, असे आवाहन जिल्हा पुरवठा अधिकारी विजय सहारे यांनी केले आहे.