🚌 वरचीवाडीकरांच्या पाठपुराव्याला यश! माऊली देवस्थान येथे एसटीचा ‘विनंती थांबा’ मंजूर

कणकवली : कणकवली नगरपंचायत वार्ड क्रमांक 2 मधील वरचीवाडी माऊली देवस्थान येथे राहणाऱ्या समाजसेविका व भाजप मंडल उपाध्यक्ष सौं. संजना संजय सदडेकर, श्री. प्रल्हाद सावंत आणि स्थानिक ग्रामस्थांच्या सातत्यपूर्ण पाठपुराव्याला अखेर यश आले असून कणकवली येथील वरचीवाडी येथील माऊली देवस्थान परिसरात एस टी बस थांबा मंजूर करण्यात आला आहे. याबाबतचा आदेश राज्य परिवहन महामंडळाच्या सिंधुदुर्ग विभागाकडून जारी करण्यात आला आहे. प्रवाशांच्या सेवेसाठी कणकवली कनेडी भिरवंडे नरडवे मार्गावरील माऊली देवस्थान येथे विनंती थांबा” फलक उभारून एसटी बस थांबविण्याची परवानगी देण्यात आली आहे. तसेच राज्य परिवहन मंडळाने संबधित आगारांना सूचना देऊन माऊली देवस्थान येथे प्रवाशांना चढउतार करण्याबाबत आवश्यक कार्यवाही करण्याचे निर्देश दिलेले आहेत. त्यानुसार आज दिनांक 08.08.2026 रोजी माऊली देवस्थान ‘विनंती थांबा’ या फलकाचे स्थानिक ग्रामस्थांच्या वतीने अनावरण करण्यात आले. यावेळी नगरसेविका सौं प्रतीक्षा सावंत, माजी नगरसेवक श्री रवींद्र उर्फ बाबू गायकवाड, ऍड.श्री.अभिजीत सावंत, श्री प्रल्हाद सावंत, सौ प्रमिला सावंत, श्री सुधीर धुमाळे, श्री खेडेकर, धुमाळे परब परिवार आणि इतर अन्य ग्रामस्थ उपस्थित होते.
या बस थांबा मंजुरीमुळे मुरेडोंगरी नजिक वरचीवाडी माऊली देवस्थान येथील परिसरातील सर्व नागरिकांमध्ये समाधानाचे वातावरण पसरले आहे.