🌊 सिंधुदुर्ग किल्ल्याकडे जलपर्यटनाला चालना; पालकमंत्री नितेश राणे – आमदार निलेश राणेंच्या उपस्थितीत उद्देशपत्र वितरण

मालवण : आमदार निलेश राणे आणि मत्स्यव्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री श्री. नितेशजी राणे यांच्या अध्यक्षतेखाली मालवण येथील दैवज्ञ भवन येथे मालवण बंदर जेट्टी ते ऐतिहासिक सिंधुदुर्ग किल्ला या जलमार्गावरील प्रवासी वाहतूक सेवा उद्देशपत्र वितरण समारंभ उत्साहपूर्ण वातावरणात संपन्न झाला. यावेळी ३५ पात्र लाभार्थ्यांना प्रवासी वाहतूक सेवा उद्देशपत्रांचे वितरण करण्यात आले.
या प्रसंगी शिवसेना जिल्हाप्रमुख श्री. दत्ता सामंत, जिल्हाधिकारी सौ. तृप्ती धोडमिसे, पोलीस अधीक्षक डॉ. मोहन दहिकर, प्रादेशिक बंदर अधिकारी कॅप्टन संदीप भुजबळ, अधीक्षक अभियंता श्री. सुधीर देवरे, नगराध्यक्षा सौ. ममता वराडकर, उपनगराध्यक्ष श्री. दिपक पाटकर, जि.प. वित्त व बांधकाम सभापती श्री. संतोष साटविलकर तसेच अधिकारी, पदाधिकारी आणि मोठ्या संख्येने नागरिक उपस्थित होते.