🚔 अवैध तंबाखू तस्करीचा पर्दाफाश; लाखोंचा मुद्देमाल जप्त

पालघर : अवैधरित्या तंबाखूजन्य पदार्थाची वाहतुक करणाऱ्या आरोपीवर कारवाई करून एकूण ४७,९३७९६/- रुपये किमतीचा मुद्देमाल जप्त.
पोलीस अधीक्षक पालघर श्री. यतिश देशमुख यांनी जिल्ह्यातील अवैध धंदे विरोधात कडक कारवाया करण्याच्या धोरणानुसार पालघर जिल्हा पोलीस दलातील सर्व पोलीस अधिकारी व अंमलदार यांना सक्त सुचना दिलेल्या आहेत.
त्याअनुषंगाने दिनांक २९/०७/२०२६ रोजी सकाळी ०५.०० वाजताचे सुमारास तलासरी पोलीस ठाणे हद्दीत स्थानिक गुन्हे शाखेचे अंमलदार हे पेट्रोलींग करत असताना त्यांना गुप्त बातमीदारामार्फत माहिती मिळाली की, एक आयसर टेम्पो क्रमांक MH04/LY/5891 यामधुन महाराष्ट्र राज्यामध्ये प्रतिबंधीत असलेला पान मसाला गुटखा भरलेला असुन तो टेम्पो गुजरात राज्यातून मुंबई बाजुकडे घेऊन जात आहे. सदरची माहिती मिळताच स्थानिक गुन्हे शाखा, पालघर व तलासरी पोलीस ठाणेचे पथकाने मुंबई-अहमदाबाद राष्ट्रीय महामार्गावर सापळा लावून सदर टेम्पोची तपासणी केली असता त्यामध्ये बटाट्याच्या गोण्या आढळून आल्या. सदर गोणीच्या पाठीमागे तपासले असता महाराष्ट्रात प्रतिबंधीत असलेला केसरयुक्त पान मसाला असा एकूण २७,९३,७९६/- रुपये किंमतीचा तंबाखूजन्य पदार्थ मिळून आला. नमूद टेम्पोवरील चालक व त्यासोबत असलेला इसम –
१) संजयकुमार रजवंता केवट, वय ४२ वर्ष व्यवसया चालक रा. चिक्का बिल्डींग, पहिला माळा, अंलकार टॉकीजजवळ पदमानगर, भिवंडी जि. ठाणे.
२) मोहम्मद इशराक अहमद मोहम्मद शमीम अन्सारी वय २८ वर्ष व्यवसय चालक रा. घर क्र. ४ निजामपुरा जवाद हॉटेलजवळ भिवंडी जि. ठाणे मुळ रा. बैरपुर ता. मानधाता जि. प्रतापगड राज्य उत्तरप्रदेश यांना ताब्यात घेतले.
वरील नमूद मुद्देमाल तसेच २०,००,०००/- रुपये किंमतीचा आयसर टेम्पो असा एकूण ४७,९३,७९६/- रुपये किंमतीचा मुद्देमाल जप्त करण्यात आला असून दोन्ही आरोपीत यांना अटक करून त्यांचेविरूध्द तलासरी पोलीस ठाणे येथे गुन्हा रजि नं. २२१/२०२६ भा.न्या.स. कलम १२३, २२३, २७४, २७५, सह अन्न सुरक्षा मानके अधि. कलम २६ (२) (अ), २७ (२) (ई), ३०(२) (अ) सह मा. अन्न सुरक्षा आयुक्त महाराष्ट्र राज्य अधिसुचना शुक्रवार जुलै १२, २०२४ आषाढ २१ शके १९४६ दि.१२/०७/२०२४ रेग्युलेशन २,३,४ ऑफ फुड सेप्टी अॅन्ड स्टेंडड २०११, ३,१,७ प्रमाणे गुन्हा दाखल करण्यात आला आहे. सदर गुन्ह्याचा पुढील तपास पोउपनिरी अमोल चिंधे, नेमणुक तलासरी पोलीस ठाणे हे करीत आहेत.
सदरची कारवाई ही श्री. यतिश देशमुख, पोलीस अधीक्षक, पालघर, श्री. विनायक नरळे, अपर पोलीस अधीक्षक पालघर, श्रीमती निशा जाधव, उपविभागीय पोलीस अधिकारी, डहाणु विभाग यांचे मार्गदर्शनाखाली श्री. प्रदिप पाटील, पोलीस निरीक्षक, स्थागुशा, पालघर, श्री. अजय गोरड, प्रभारी अधिकारी, तलासरी पोलीस ठाणे, पोअं/९३६ राहुल क्षत्रिय, पोअं/८८८ विशाल लोहार नेमणुक स्थानिक गुन्हे शाखा, पालघर, पोउपनि/अमोल चिंधे, पोहवा/७४३ संदिप चौधरी, पोना/९२९ सचिन आव्हाड, पोशि/१३२२ परशुराम घाटाळ सर्व नेमणुक तलासरी पोलीस ठाणे यांनी केली आहे.