🏛️ कणकवलीत 'महाराजस्व समाधान शिबिर'; शासकीय योजनांचा लाभ घेण्याची सुवर्णसंधी!

छत्रपती शिवाजी महाराज महाराजस्व समाधान शिबिराचे आयोजन
कणकवली : मा. मुख्यमंत्री देवेंद्र फडणवीस यांचा जन्मदिवस तसेच माजी उपमुख्यमंत्री स्वर्गीय अजितदादा पवार यांच्या जयंतीचे औचित्य साधून महाराष्ट्र शासनाच्या महसूल विभागामार्फत राबविण्यात येत असलेल्या “छत्रपती शिवाजी महाराज महाराजस्व समाधान शिबिर” अभियानांतर्गत दि. ३१ जुलै २०२६ रोजी दुपारी १२.०० वाजता राधेश्याम बॅक्चेट अॅन्ड लॉन्स, कृष्णनगरी जानवली, ता. कणकवली येथे २६८ कणकवली विधानसभा मतदार संघासाठीचे भव्य शिबिराचे आयोजन करण्यात आले आहे.
या कार्यक्रमास मा. पालकमंत्री श्री नितेश राणे यांच्या प्रमुख उपस्थितीत तसेच मा. खासदार श्री नारायण राणे, मा. आमदार श्री प्रमोद जठार, मा. आमदार ज्ञानेश्वर म्हात्रे, मा. आमदार श्री निरंजन डावखरे, मा. आमदार श्री अनिकेत तटकरे, मा. आमदार श्री दिपक केसरकर, मा आमदार श्री निलेश राणे, मा. जि.प. अध्यक्ष श्री प्रमोद कामत, मा. जिल्हाधिकारी श्रीम. तृप्ती धोडमिसे, मा. मुख्य कार्यकारी अधिकारी श्री रविंद्र खेबुडकर, श्री मोहन दहिकर पोलीस अधीक्षक सिंधुदुर्ग, सर्व पंचायत समिती सभापती, नगराध्यक्ष, सर्व जिल्हा परिषद, पंचायत समिती सदस्य, सर्व सरपंच, नगरसेवक तसेच विविध विभागाचे वरिष्ठ अधिकारी व लोकप्रतिनिधी उपस्थित राहणार आहेत.
महाराष्ट्र शासनाच्या “प्रशासन आपल्या दारी” या संकल्पनेनुसार नागरिकांना विविध शासकीय सेवा, दाखले, मार्गदर्शन आणि योजनांचा लाभ एकाच ठिकाणी उपलब्ध करून देण्याच्या उद्देशाने या शिबिराचे आयोजन करण्यात आले आहे.
कार्यक्रमामध्ये महसूल, कृषी, ग्रामविकास, वन, मत्स्यव्यवसाय, पंचायत राज, महिला व बालविकास, आरोग्य, समाजकल्याण, सहकार तसेच इतर विविध विभागांच्या योजनांतील पात्र लाभार्थ्यांना मान्यवरांच्या हस्ते लाभांचे वितरण करण्यात येणार आहे.

ठिकाण : राधेश्याम बॅक्वेट अॅन्ड लॉन्स, कृष्णनगरी जानवली ता. कणकवली
दिनांक : ३१ जुलै २०२६
नागरिकांनी मोठ्या संख्येने उपस्थित राहून विविध शासकीय योजनांचा लाभ घ्यावा
उपविभागीय अधिकारी कणकवली जगदीश कातकर यांचे आवाहन

Related Posts