🕯️ देवबागातील हॉटेलमध्ये दुर्दैवी घटना; २० वर्षीय कामगाराने घेतला टोकाचा निर्णय

मालवण : देवबाग येथील एका हॉटेल मध्ये तीन ते चार महिन्यांपूर्वी कामास आलेल्या चंद्रशेखर मल्लिकार्जुन राठोड वय २०, रा. विजापूर या कामगाराने हॉटेलच्या मागील बाजूस असलेल्या फिल्टर रूम बाहेर गळफास लावून आत्महत्या केल्याची घटना मंगळवारी मध्यरात्रीच्या सुमारास घडली आहे. हा प्रकार सकाळी १०.३० वाजण्याच्या सुमारास निदर्शनास आला. याबाबत पोलिसांना माहिती दिल्यानंतर उपनिरीक्षक खाडे, हेड कॉ. जनार्दन रेवंडकर यांनी घटनास्थळी जाऊन प्राथमिक तपास केला. पुढील तपास हेड कॉ. पेडणेकर करीत आहेत. त्याच्या आत्महत्येचे कारण अद्याप समजलेले नाही