🏢 भूमी अभिलेख कार्यालयातील रिक्त पदे तात्काळ भरा; बबलू सावंतांची महसूलमंत्र्यांकडे मागणी

कणकवली : येथील भूमी अभिलेख कार्यालयात असलेल्या रिक्त पदांमुळे सर्वसामान्य जनतेची मोठी गैरसोय होत आहे. ही रिक्तपदे भरण्याबाबत कार्यवाहीची मागणी पंचायत समिती सदस्य तथा भाजपचे तालुका उपाध्यक्ष बबलू सावंत यांनी महसूलमंत्री बावनकुळे यांच्याकडे केली आहे. याबाबतचे निवेदन सावंत यांनी महसूलमंत्र्यांना दिले आहे. पदभरतीच्या अनुषंगाने आवश्यक बाबींची पूर्तता करून तात्काळ कार्यवाही करण्यात येईल, असे महसूलमंत्र्यांनी स्पष्ट केले आहे.