देवगडचे सुपुत्र आणि देवगड मेडिकल फाउंडेशन येथे कार्यरत असलेले डॉ. तन्मय आठवले , कन्सल्टंट ऑर्थोपेडिक सर्जन आणि इंडियन आर्थरोस्कोपी सोसाइटी चे लाइफ मेंबर, यांनी नुकतीच गोव्यात झालेल्या प्रतिष्ठित IASCON 2025 परिषदेत भारताच्या दोन क्रीडा दिग्गजांची मुलाखत घेऊन सर्वांचे लक्ष वेधले. ह्या परिषदेत ते ऑर्गनायझिंग कमिटी मध्ये होते.
या परिषदेत झालेल्या सेलेब्रिटी स्पोर्ट्स चॅट शो मध्ये डॉ. तन्मय आठवले हे होस्ट अँकर म्हणून स्टेजवर होते, जिथे त्यांनी भारताच्या टेनिस स्टार सानिया मिर्झा आणि दुहेरी ऑलिम्पिक चॅम्पियन नीरज चोप्रा यांच्याशी संवाद साधला. या विशेष सत्रात दोन्ही खेळाडूंनी डॉक्टर, जखमा, स्पोर्ट्स इन्फ्रास्ट्रक्चर आणि भारतातील क्रीडा क्षेत्रातील बदल याविषयी मुक्तपणे चर्चा केली. या प्रसंगी डॉ. तन्मय आठवले यांनी सानिया मिर्झा आणि नीरज चोप्रा या दोघांना देवगडला भेट देण्याचे आणि देवगडमध्ये युवा खेळाडूंसाठी स्पोर्ट्स अकॅडेमी सुरू करण्याचे आमंत्रण दिले. मुलाखतीनंतर सानिया मिर्झा यांनी स्वतःची स्वाक्षरी केलेली आत्मचरित्राची प्रत डॉ. आठवले यांना भेट दिली — हा क्षण त्यांच्या व्यावसायिक प्रवासातील एक अविस्मरणीय क्षण ठरला. त्याचबरोबर गोवा राज्याचे आरोग्यमंत्री श्री. विश्वजीत राणे यांच्याशी सुद्धा चर्चा करण्याची संधी मिळाली.
डॉ. तन्मय आठवले हे गेली अनेक वर्षे राष्ट्रीय व आंतरराष्ट्रीय पातळीवरील ऑर्थोपेडिक कॉन्फरन्सेसमध्ये सक्रियपणे सहभागी होत आहेत. ते अनेक प्रतिष्ठित संघटनांचे लाइफ मेंबर असून त्यांच्या नावावर अनेक सन्माननीय कामगिरी आहेत. सध्या ते देवगड मेडिकल फाउंडेशन, देवगड येथे कन्सल्टंट ऑर्थोपेडिक सर्जन म्हणून कार्यरत असून, ग्रामीण भागातील रुग्णांना उच्च दर्जाची वैद्यकीय सेवा देण्याचे कार्य ते अत्यंत निष्ठेने करीत आहेत.
