📕KOKANSHAHI NEWS CHANNEL |
✒️ब्युरो न्यूज | कोकणशाही न्यूज ब्रेकिंग
सिंधुदुर्ग दि : २०
सिंधुदुर्ग जिल्ह्यातील दशावतार कलेला एक नवस्वरूप देण्याच्या दृष्टीने आमदार दीपक केसरकर यांनी सिंधू रत्न योजनेतून दशावतार कंपनी यांना वाहन खरेदी करून दिले आहे, आता पुढील काळात ही दशावतार कलेला राजाश्रय मिळावा यासाठी सिंधुदुर्ग जिल्ह्याचे पालकमंत्री नितेश राणे यांच्या माध्यमातून निश्चितच प्रयत्न केले जातील आणि राजाश्रय मिळवून दिला जाईल सह्याद्री फाउंडेशनने तीन दिवसीय दशावतार महोत्सव आयोजित केला यातून दशावतार कला जिवंत ठेवण्याचे काम ही संस्था करत आहे हे खरोखरच कौतुकास्पद आहे, असे जिल्हा बँकेचे अध्यक्ष मनीष दळवी यांनी स्पष्ट केले.
सावंतवाडी येथे जगन्नाथराव भोसले उद्यान जवळ १९ ते २१ जानेवारी या कालावधीत सह्याद्री फाऊंडेशन व सावंतवाडी नगरपरिषद यांच्या संयुक्त विद्यमाने तीन दिवशीय दशावतार नाट्य महोत्सवाचे आयोजन करण्यात आले आहे या महोत्सवाच्या उद्घाटन दीप प्रज्वलन करून जिल्हा बँकेचे अध्यक्ष मनीष दळवी व बेळगावचे उद्योजक प्रसन्न घाडगे माजी नगराध्यक्ष संजू परब यांच्या हस्ते उद्घाटन झाले.
यावेळी बोलताना दळवी म्हणाले, समाजाला आवश्यक विविधांगी उपक्रम देण्याचा कायम प्रयत्न सह्याद्री फाऊंडेशनने केला आहे. जिल्ह्यात सामाजिक, सांस्कृतिक क्रिडा क्षेत्रात आदर्शवत काम व्हावे यासाठी सह्याद्री फाऊंडेशनचा पुढाकार राहिलेला आहे, त्यांच्या या उपक्रमाला शुभेच्छा दिल्या.
यावेळी बेळगावचे उद्योजक प्रसन्न घोडगे, सावंतवाडी नगर परिषदेचे माजी नगराध्यक्ष संजू परब यांनी सह्याद्री फाउंडेशन दशावतार नाट्य महोत्सवाचा स्तुत्य उपक्रम सुरू केला असून सावंतवाडी मधील चांगल्या वातावरणामध्ये दशावतार कलेचा मोठा प्रेक्षकवर्ग असून असेच विविधांगी कार्यक्रम भविष्यातही राबवावेत, असे आवाहन केले. या कलेमुळे शहरात नवी उमेद तयार व्हावी, अशी अपेक्षा त्यांनी यावेळी बोलताना व्यक्त केली.
