सावंतवाडी : दि 20
26 जानेवारी प्रजासत्ताक दिनी नियोजित सावंतवाडी रेल्वे स्थानकावर रेल रोको आंदोलनाच्या पार्श्वभूमीवर कोकण रेल्वे प्रवासी संघटना सावंतवाडीचे मुंबई प्रतिनिधींनी रविवारी पालकमंत्री नितेश राणे यांची भेट घेतली.
सावंतवाडी टर्मिनसच्या उर्वरित कामासाठी निधीची तरतूद करावी, सावंतवाडीत रेल्वेचे परिपूर्ण टर्मिनस उभारण्यासाठी आपण राज्य शासनामार्फत निधी उपलब्ध करावा, राजधानी एक्सप्रेस, गरीब रथ एक्स्प्रेसचा थांबा पूर्ववत करावा, नव्याने मंगलोर सुपरफास्ट एक्स्प्रेसला सावंतवाडीत थांबा मिळावा, कोकण रेल्वेचे भारतीय रेल्वेत विलीनीकरण करावे आदी मागण्यांबाबत पालकमंत्री नितेश राणे यांचे लक्ष वेधण्यात आले. यावर आपण योग्य कार्यवाही करून येत्या काही महिन्यात ही कामे मार्गी लावू, असे आश्वासन संघटनेच्या पदाधिकाऱ्यांना मंत्री राणे यांनी दिले. यावेळी पालकमंत्री राणे यांचा संघटनेतर्फे शाल आणि भगवी टोपी घालून सत्कार करण्यात आला.
