कणकवली : बेकायदा गोवा बनावटीची दारू वाहतूक केल्याप्रकरणी सावंतवाडीतील एकाला ताब्यात घेण्यात आले आहे. त्याच्याकडून ३८ लाख ४० हजार रुपयांच्या दारूसह १७ लाखाचा टेम्पो, असा एकूण ५५ लाख ४० हजार रुपयांचा मुद्देमाल जप्त करण्यात आला आहे. नितीन रमेश तांबोसकर (वय ३७, रा. चराठे टेंबवाडी, ता. सावंतवाडी) असे त्याचे नाव आहे. ही कारवाई तळेरे औदुंबर नगर येथे महामार्ग पोलिसांच्या पथकाकडून करण्यात आली.
