🚩 गणेशोत्सवासाठी कोकणात जाणाऱ्यांना दिलासा; रेल्वेच्या विशेष गाड्या सज्ज!

मुंबई : गणेशोत्सवासाठी दरवर्षी लाखो गणेशभक्त चाकरमानी हे मुंबईतून कोकणात जातात. कोकणात जाण्यासाठी या गणेशभक्तांकडून रेल्वेप्रवासाला प्राधान्य दिलं जातं. मात्र गणेशोत्सवाच्या काळात प्रवाशांच्या होणाऱ्या अतिरिक्त गर्दीमुळे नियमित गाड्या कमी पडतात. त्यामुळे रेल्वेकडून दरवर्षी गणेशोत्सवाच्या काळात गणपती स्पेशल गाड्या चालवल्या जातात. यावर्षीही गणेशोत्सवाच्या कालावधीसाठी रेल्वेकडून अतिरिक्त गणपती स्पेशल गाड्या चालवण्यात येणार असून, या गाड्यांचं वेळापत्रक आता समोर आलं आहे.
रेल्वेकडून मुंबई छत्रपती शिवाजी महाराज टर्मिनस, लोकमान्य टिळक टर्मिनस, दिवा आणि पुणे येथून चिपळूण, रत्नागिरी, सावंतवाडी या स्थानकांसाठी या गणपती स्पेशल गाड्या चालवण्यात येणार आहेत. या गाड्यांचं वेळापत्रक खालीलप्रमाणे आहे.

छत्रपती शिवाजी महाराज टर्मिनस ते सावंतवाडी रोड
गाडी क्र. 01103 ही ट्रेन सी एस टी – सावंतवाडी रोड दरम्यान ११ सप्टेंबर ते २६ सप्टेंबर २०२६ या कालावधीत दररोज धावणार आहे.

• गाडी क्र. 01104 ही ट्रेन सावंतवाडी ते मुंबई सी एस टी दरम्यान, १२ ते २७सप्टेंबरदरम्यान दररोज धावणार आहे. या दोन्ही ट्रेनच्या प्रत्येकी १६ फेऱ्या होतील.

गाडी क्र. 01151 ही ट्रेन सी एस टी – सावंतवाडी रोड दरम्यान ११ सप्टेंबर ते २७सप्टेंबर २०२६ या कालावधीत दररोज धावणार आहे.

• गाडी क्रमांक 01152 ही सावंतवाडी ते मुंबई सी एस टी, ११ ते २७सप्टेंबर दरम्यान दररोज धावणार आहे. या दोन्ही ट्रेनच्या प्रत्येकी १७ फेऱ्या होतील.
  लोकमान्य टिळक टर्मिनस LTT ते सावंतवाडी
• गाडी क्र. 01171 ही ट्रेन LTT – सावंतवाडी रोड दरम्यान ११ सप्टेंबर ते २७ सप्टेंबर २०२६ या कालावधीत दररोज धावणार आहे.
  गाडी क्र. 01172 ही ट्रेन सावंतवाडी ते मुंबई LTT, ११ ते २७सप्टेंबरदरम्यान दररोज धावणार आहे.
  गाडी क्र. 01129 LTT- सावंतवाडी १५ आणि २२ सप्टेंबरदरम्यान, दर मंगळवारी धावणार आहे.
  गाडी क्र. 01130 ही ट्रेन सावंतवाडी ते LTT १५ आणि २२ सप्टेंबरदरम्यान, दर मंगळवारी धावणार आहे.
  गाडी क्र. 01131 ही ट्रेन LTT -सावंतवाडी दरम्यान आठवड्यातून दोनदा दर गुरुवार आणि रविवारी १७, २०, २४ आणि २७ सप्टेंबरदरम्यान धावणार आहे.
  गाडी क्र. – 01132 ही ट्रेन सावंतवाडी ते LTT दरम्यान आठवड्यातून दोनदा दर गुरुवार आणि रविवारी १७, २०, २४ आणि २७ सप्टेंबरदरम्यान धावणार आहे.