🚩 ‘विठू माऊली’च्या चरणी विशाल परब; आषाढी एकादशी भक्तिभावात साजरी!

सावंतवाडी : आषाढी एकादशीच्या पावन पर्वावर सावंतवाडी शहर आणि परिसरात सर्वत्र भक्तिमय वातावरण निर्माण झाले असून ‘विठू माऊली’ आणि ‘राम कृष्ण हरी’च्या जयघोषाने संपूर्ण परिसर दुमदुमून गेला. या औचित्यावर भारतीय जनता पार्टीचे महाराष्ट्र युवा नेते विशाल परब यांनी सावंतवाडीतील विविध विठ्ठल-रुक्मिणी मंदिरांना भेट देऊन श्री विठ्ठल-रुक्मिणीचे भाविकतेने दर्शन घेतले.
दर्शन घेतल्यानंतर परब यांनी उपस्थित भाविकांशी संवाद साधत सर्वांना आषाढी एकादशीच्या शुभेच्छा दिल्या. याप्रसंगी नागरिक आणि भाविक पांडुरंगाच्या नामघोषात तल्लीन होऊन मोठ्या उत्साहाने या सोहळ्यात सहभागी झाले होते.