सुकाळवाड येथील जयवंती बाबू फाउंडेशन संचलित एम.आय.टी.एम. अभियांत्रिकी महाविद्यालयात ई-सेलच (एंटरपुनर्शिप) सेल उ‌द्घाटन.
सुकाळवाड येथील जयवंती बाबू फाउंडेशन संचलित अभियांत्रिकी महाविद्यालयात ई-सेल चे उ‌द्घाटन सिंधुदुर्गातील प्रसिद्ध उ‌द्योजक श्री. श्रीधर पुरुषोत्तम ओगले यांच्या हस्ते झाले. उ‌द्घाटना प्रसंगी संस्थेचे प्राचार्य डॉ. एस. व्ही. ढणाल, डिप्लोमा प्राचार्य श्री. विशाल कुशे, उपप्राचार्य सौ. पुनम कदम, ई-सेल समन्वयक श्री. तानाजी शिंदे, विद्यार्थी आणि अन्य प्राध्यापक उपस्थित होते.
कार्यक्रमात प्रथम ई-सेल समन्वयक श्री. तानाजी शिंदे यांनी एम.आय.टी.एम. अभियांत्रिकी महाविद्यालयात ई-सेलचा उद्देश सांगितला. कॅम्पसमधील विद्यार्थ्यांमध्ये उद्योजकीय कौशल्ये वाढवणे तसेच ई-सेलच व्हिजन, कॅम्पसमध्ये मजबूत उद्योजकीय परिसंस्था निर्माण करणे आणि उदयोन्मुख उद्योजकांना प्रेरणा देणे, शिक्षित करणे आणि पाठिंबा देणे आहे सांगितले.
यावेळी बोलताना उ‌द्योजक श्री. श्रीधर पुरुषोत्तम ओगले, ओगले फूडस यांनी देवगड अल्फोन्सो आंबा, मल्टीफ्रूट उत्पादक आणि मल्टीफ्रूट प्रोसेसर या क्षेत्रातील विविध उद्योजकीय कल्पना, संधी आणि उदाहरणे देत विद्यार्थ्यांना मार्गदर्शन केले. आपण सौर ऊर्जा प्रकल्पांना योग्य समर्थन आणि मार्गदर्शन करू असे ते विद्यार्थ्यांना म्हणाले.
उपप्राचार्य सौ. पुनम कदम यांनी यावेळी एनकुबेशन व एनकुबेशन सेंटर याबद्दल माहिती दिली.
तसेच उद्योजकीय व नावीन्यपूर्ण कल्पना शोधा व त्या विकसित करा तसेच नोकरी शोधणारा ऐवजी नोकरी निर्माता व्हा असे आवाहन केले.
प्राचार्य डॉ. एस.व्ही. ढणाल यांनी सर्वांचे आभार मानले तसेच ई-सेल च्या पुढील वाटचालीस विद्यार्थी व शिक्षक यांना शुभेच्छा दिल्या.
कार्यक्रमाचे सूत्रसंचालन प्रा. मृणाली कुडतरकर यांनी केले.
यावेळी संस्थेचे अध्यक्ष श्री संतोष पाल, उपाध्यक्ष श्री विनोद कदम सेक्रेटरी सौ. नेहा पाल खजिनदार सौ. वृषाली कदम विश्वस्त श्री. केतन कदम यांनी याबद्दल सर्वांना शुभेच्छा दिल्या.
