🎗️ आ. निलेश राणे यांच्याकडून आलेल्या ऑफरची ऐकवली थेट ऑडिओ क्लिप
शिंदे सेनेचे नेरेटिव्ह सेट करण्याचे अस्त्र त्यांच्यावरच झाले बुमरँग
साईनाथ गांवकर / मालवण
मालवण नगरपरिषदेच्या नगराध्यक्ष पदाच्या उमेदवार सौ. शिल्पा यतीन खोत यांना मागील कित्येक दिवसापासून शिंदे सेनेकडून जात प्रमाणपत्राच्या मुद्द्यावरून घेरले जातं होते. आज सायंकाळी आ. निलेश राणे यांनी पत्रकार परिषद घेत याबाबतची माहिती पत्रकारांना देखील दिलेली.पण शिंदे सेनेकडून जातं प्रमाणपत्राचे उपसण्यात आलेले अस्त्र अक्षराश त्यांच्यावरच उलटले असल्याचे आजच्या मालवण मध्ये झालेल्या भाजपच्या जाहीर सभेत पाहायला मिळाले. शिल्पा खोत यांनाई थेट आ. निलेश राणे यांनी नगराध्यक्ष पदासाठी फोन वरून दिलेल्या ऑफर्सची ऑडिओ क्लिप जाहीर सभेत ऐकवली. एकीकडे माझ्याकडे जात प्रमाणपत्राच्या मुद्द्यावरून मला घेरायचं अन 8 दिवसापूर्वी मला ऑफर द्यायची? 8 दिवसापूर्वी मी यांना चांगली आणि योग्य उमेदवार वाटत होती आणि आता भाजपाकडून मला अधिकृत संधी मिळाल्यावर मी अचानक यांच्यासाठी वाईट कशी झाली? माझे आजोबा अन पूर्वज शोधणारे तुम्ही कोण? असे खडे सवाल उपस्थित करत शिल्पा खोत यांनी हा ऑडिओ बॉम्ब भाजपच्या जाहीर सभेत थेट प्रदेशाध्यक्ष अन पालकमंत्री यांच्या समोर उडवला. शिल्पा खोत यांचे मनोगत ऐकून उवस्थितांच्या डोळ्यात पाणीही आलेले, एवढी भावनिक साद यावेळी सौ. खोत यांनी मालवणवासियांना दिली. मला जनतेच्या सेवेत राहायचं आहे हीच आहे का माझी चूक? असा प्रश्न तत्यांनी थेट जनतेला केला. शिल्पा खोत यांच्या या राजकीय बॉम्ब मुळे मालवणच्या राजकारणात खळबळ उडाली आहे.
एकीकडे शिल्पा खोत यांना शिंदे सेनेकडून रिंगणात उतरा अशी ऑफर द्यायची अन दुसरीकडे ते भाजपाकडून रिंगणात उतरले असता त्यांची बदनामी करायची हे दुटप्पी धोरण आजच्या सभेच्या निमित्ताने समोर आले आहे.
