सावंतवाडी,
सावंतवाडी येथे आयोजित करण्यात आलेल्या कोकण मराठी साहित्य परिषदेच्या जिल्हास्तरीय साहित्य संमेलनाचे उद्घाटन पालकमंत्री नितेश राणे यांच्या हस्ते होणार आहे. यावेळी स्वागत समिती अध्यक्ष म्हणून आमदार तथा सिंधुरत्न समितीचे अध्यक्ष दीपक केसरकर तर संमेलन अध्यक्ष वस्त्रंकार गंगाराम गव्हाणकर हे पद भूषवणार आहेत, अशी माहिती आज येथे आयोजित पत्रकार परिषदेत परिषदेचे समितीचे कार्याध्यक्ष प्रदीप ढवळ यांनी दिली. हे साहित्य संमेलन २२ मार्चला सावंतवाडी येथील बॅ नाथ पै सभागृहात होत आहे. या पार्श्वभूमीवर आज येथील पर्णकुटी विश्रामगृहावर परिषदेची बैठक झाली. त्यानंतर आयोजित करण्यात आलेल्या पत्रकार परिषदेत ते बोलत होते.यावेळी कार्याध्यक्ष प्रदीप ढवळ, तालुकाध्यक्ष अॅड. संतोष सावंत, कोकण मराठी साहित्य परिषद च्या केंद्रीय सदस्यसौ. उषा परब, इतिहासकार प्राध्यापक जी. ए. बुवा, कुडाळ सौ.उषातालुकाध्यक्ष सौ. वृंदा कांबळी, जिल्हा खजिनदार भरत गावडे, जिल्हा सचिव विठ्ठल कदम, सहसचिव राजू तावडे, उपाध्यक्ष अभिमन्यू लोंढे, खजिनदार डॉ. दीपक तुपकर, सदस्य अॅड. नकुल पार्सेकर, दीपक पटेकर, रुपेश पाटील, विनायक गावस आदी उपस्थित होते.यावेळी श्री. मस्के पुढे म्हणाले, या साहित्य संमेलनाचे उद्द्घाटन सिंधुदुर्ग जिल्ह्याचे पालकमंत्री नितेश राणे यांच्या हस्ते होणार आहे. स्वागत अध्यक्ष म्हणून माजी शिक्षण व मराठी भाषा मंत्री तथा आमदार दीपक केसरकर, संमेलन अध्यक्ष वस्त्रहरणकार प्रा. गंगाराम गवाणकर तर विशेष उपस्थिती पद्मश्री संस्थापक अध्यक्ष मधु मंगेश कर्णिक, कोकण मराठी साहित्य परिषदेचे अध्यक्ष सौ. नमिता कीर, विश्वस्त रमेश कीर आदींच्या उपस्थितीत साहित्य संमेलन रंगणार आहे. सिंधुदुर्ग जिल्ह्याची साहित्य संस्कृती फार मोठी आहे. या जिल्ह्याने अनेक साहित्यिक लेखक घडवले आहेत. ही साहित्य चळवळ पुढे अविरत चालू ठेवण्याच्या दृष्टीने कोकण मराठी साहित्य परिषद जिल्हास्तरीय साहित्य संमेलन घेत आहे. या संमेलनाचे यजमानपद सावंतवाडी शाखेला देण्यात आले आहे. सावंतवाडी शाखेचे काम उत्तम सुरू आहे. सिंधुदुर्ग जिल्हा कोकण मराठी साहित्य परिषद साहित्य चळवळ व्यापकतेने चालवत आहे सर्व तालुक्यात मालवण कुडाळ कणकवली या तालुक्यातही साहित्यिक घडवण्याचे काम त्या त्या शाखा कर आहेत, असे ते म्हणाले.ग्रंथ दिंडी पुस्तक प्रकाशन पुस्तक प्रदर्शन लेखक मुलाखत. साहित्यिक जयवंत दळवी यांच्या जन्मशताब्दी निमित्त परिसंवाद कवी वसंत सावंत यांच्या स्मरणार्थ कवी संमेलन समारोप असे भरगच्च कार्यक्रमांचे आयोजन करण्यात आले आहे. कोकण मराठी साहित्य परिषद चे संस्थापक अध्यक्ष पद्मश्री मधु मंगेश कर्णिक यांना पुणे येथे झालेल्या विश्व साहित्य परिषदेमध्ये त्यांना विश्वसाहित्य पुरस्काराने गौर आले आहे. त्यामुळे त्यांची उपस्थिती लक्षणीय आहे.
