साईनाथ गांवकर / सिंधुदुर्ग
देवगड पंचायत समिती प्रशासनाने प्रवेशद्वाराला लावलेले टाळे आता उघडले आहे. याबाबत कोकणशाही ने वृत्त प्रसारित करताच प्रशासनाने तातडीने हालचाल केली. थोड्याच वेळात गटविकास अधिकारी वृषाली यादव ह्या उपोषण कर्त्यांची भेट घेणार असल्याचे प्रशासनाकडून समजले आहे.
देवगड तालुक्यातील मोंड गावातील ग्रामस्थ मागण्यासंदर्भात देवगड पंचायत समिती कार्यालयासमोर जमले आहेत. पण पंचायत समिती प्रशासनाने प्रवेशद्वाराला टाळे लावले होते. त्यामुळे लोकशाही मार्गाने प्रजासत्ताक दिनी लाक्षणिक उपोषणासाठी देवगड पंचायत समिती कार्यालयाबाहेर मोंड गावातील ग्रामस्थांवर ताटकळत उभ राहण्याची वेळ आलेली. 26 जानेवारी रोजी लाक्षणिक उपोषण छेडणार असल्याचे पत्र प्रशासनाला अगोदर दिले असून प्रशासनाने प्रवेशद्वाराला टाळे का ठोकले? असा संतप्त सवाल ग्रामस्थांकडून उपस्थित केला जात होता. हे वृत्त कोकणशाही ला प्रसारित होताच तातडीने कार्यालयाच्या प्रवेशद्वाराला लागलेले टाळे उघडण्यात आले आहे.
