📕KOKANSHAHI NEWS CHANNEL |
✒️ब्युरो न्यूज | कोकणशाही न्यूज ब्रेकिंग
सावंतवाडी, दि १८ः
महिला आणि बालकल्याण क्षेत्रातील उल्लेखनीय कार्याबद्दल कोकण संस्थेचा भारतातील सर्वोत्कृष्ट संस्था या पुरस्काराने सन्मान करण्यात आला. हा सन्मान सोहळा ब्रेनलिटिक्स या कंपनीच्या वतीने आज मुंबईच्या हॉटेल रेडिसन ब्लू या पंचतारांकित हॉटेल येथे संपन्न झाला. यावेळी संस्थाध्यक्ष दयानंद कुबल व प्रकल्प व्यवस्थापक प्रीती पांगे यांनी हा सन्मान स्वीकारला.
कोकण संस्था गेली १३ वर्षे महिलांच्या आणि मुलांच्या प्रश्नावर काम करत असून रायगड जिल्हा बालविवाह मुक्त व्हावा यासाठी एक्सेस टू जस्टीस या संस्थेच्या बरोबर काम करत आहे तसेच संस्था देशपातळीवर अनेक प्रोजेक्ट चालवत असून ११ लाखापेक्षा जास्त गरजू लाभार्थीना संस्थेच्या माध्यमातून मदत झाली आहे. त्याचबरोबर संस्था ४३५ मुलांची सक्षम प्रोजेक्ट अंतर्गत संपूर्ण जबाबदारी घेते. रस्त्यावरील मुलांसाठी गल्ली स्कुल आणि आदिवासी पाड्यातील मुलांसाठी युवा किरण अशा सर्वच प्रोजेक्टची दखल या निमित्ताने घेतली गेल्याचे मत दयानंद कुबल यांनी यावेळी बोलून दाखवले.
भारत सीएसआर आणि सस्टेनेबिलिटी कॉन्क्लेव्ह आणि अवॉर्ड्स हा भारतामध्ये कॉर्पोरेट सोशल रिस्पॉन्सिबिलिटी (CSR) आणि सामाजिक क्षेत्रात महत्त्वपूर्ण योगदान देणाऱ्या संस्थांना शोधून त्यांचा सन्मान करण्यासाठी आयोजित करण्यात येणारा कार्यक्रम आहे.
