🚨 वेत्येत दोन दुचाकींची भीषण धडक; गोव्यातील २१ वर्षीय तरुणीचा उपचारादरम्यान मृत्यू

सावंतवाडी : मुंबई-गोवा महामार्गावरील झाराप-पत्रादेवी बायपासवर वेत्ये येथे दोन दुचाकींची समोरासमोर भीषण धडक होऊन चौघेजण गंभीर जखमी झाले. हा अपघात सोमवारी (३१ ऑगस्ट) दुपारी घडला. जखमींपैकी शोभा अॅन्थनी फर्नांडिस (२१, रा. मडगाव-गोवा) या युवतीचा उपचारादरम्यान मृत्यू झाला. तर इतर तीन गंभीर जखमींवर रुग्णालयात उपचार सुरू आहेत.
शोभा ही डेनसन लिबर्टस डीनिस (२७, रा. कुंकळी, गोवा) याच्यासोबत दुचाकीने आंबोलीला फिरायला जात होती. वेत्ये हद्दीत त्यांच्या दुचाकीची प्रदीप रामचंद्र वेंगुर्लेकर (३७, रा. सातोसे, सावंतवाडी) यांच्या दुचाकीशी जोरदार धडक झाली. धडक एवढी भीषण होती की, शोभा रस्त्यावर फेकली गेल्याने गंभीर जखमी झाली.
उपचारादरम्यान तिचा मृत्यू झाला. स्थानिकांनी जखमींना तत्काळ सावंतवाडी उपजिल्हा रुग्णालयात दाखल केले. याप्रकरणी सावंतवाडी पोलिस ठाण्यात गुन्हा दाखल करण्यात आला असून, पोलिस निरीक्षक राजेंद्र मगदूम यांच्या मार्गदर्शनाखाली अधिक तपास सुरू आहे.

No results