शेअर ट्रेडिंगमध्ये गुंतवणूक करण्यास सांगत फिर्यादीची एका महिलेने तब्बल 8 लाख 3 हजार 969 रुपयांची ऑनलाईन फसवणूक केली. फसवण् कीची ही घटना 4 डिसेंबर ते 31 डिसेंबर 2024 रोजी खेडशी येथे घडली आहे. या प्रकरणी अज्ञात महिलेविरोधात ग्रामीण पोलिस ठाण्यात गुन्हा दाखल झाला आहे.
याबाबत सुधीरभाऊ सकपाळ (रा. श्रीनगर खेडशी, रत्नागिरी) यांनी सोमवार 6 जानेवारी रोजी ग्रामीण पोलिस ठाण्यात तक्रार दिली होती. त्यानुसार संशयित महिला ही एसएमसी इनव्हेस्टर स्ट्रॅटेजी अपडेट या व्हॉटसॲप ग्रुपची ॲडमिन आहे. तिने फिर्यादीशी संपर्क साधून कंपन्यांचे अप्पर सर्किट / ब्लॉक ट्रेड/एआय ट्रेडिंग/आयपीओ यांची माहिती दिली. त्यानंतर कंपन्यांच्या शेअर ट्रेडिंगबाबत गुंतवणूक करण्यास सांगून फिर्यादीच्या बँक खात्यावरून एनईएफटी तसेच युपीआयवरून रक्कम ट्रान्स्फर करून घेतली. तसेच एसएमसी ग्लोबल सेक्युरिटीस लि. या कंपनीचा लोगो असलेले अॅप्लीकेशन डाउनलोड करण्यास सांगितले.
फिर्यादीने ते अॅप्लीकेशन डाउनलोड केल्यानंतर त्यात गुंतवणूक केलेल्या रकमेवर त्यांना तब्बल 50 लाख 42 हजार 738 रुपयांचे प्रॉफिट झाल्याचे भासवून तो नफा सकपाळ यांना परत देण्यासाठी त्यावर त्यांच्याकडे 10 टक्के कमिशन आगावू मागितले. अशप्रिकारे त्या अज्ञात महिलेने फिर्यादीने गुंतवणूक केलेली रक्कम आणि त्यांना झालेला नफा न देता त्यांची आर्थिक फसवणूक केली. या प्रकरणी संशयित महिलेविरोधात गुन्हा दाखल करण्यात आला आहे.
