मुंबई- माजी आमदार प्रमोद जठार हे येत्या १ मार्च २०२६ रोजी सकाळी ०८:०० वाजता ‘M2M-Princess’ या आलिशान जहाजाने मुंबईहून आपला जलप्रवास सुरू करणार आहेत. त्यांनी २३ फेब्रुवारी २०२६ रोजी हे बुकिंग केले असून, स्कोडा स्लाव्हिया लाउंज श्रेणीतून पत्नी सह तब्बल १४,००० रुपये खर्चून हे तिकीट आरक्षित केले आहे. हा प्रवास मुंबई पोर्ट ट्रस्टच्या भाऊचा धक्का (प्रिन्सेस डॉक) येथील M2M फेरी टर्मिनलवरून सुरू होणार आहे.
या प्रवासादरम्यान सुरक्षेच्या आणि सोयीच्या दृष्टीने काही कडक नियमांची अंमलबजावणी केली जाणार आहे. ‘M2M-Princess’ या जहाजावर प्रवाशांना त्यांचे पाळीव प्राणी (Pets) सोबत नेण्यास सक्त मनाई करण्यात आली आहे. तसेच, सुरक्षेच्या कारणास्तव प्रवासादरम्यान कोणालाही वाहन डेकवर (vehicle deck) जाण्याची परवानगी नसेल. या व्यतिरिक्त जहाजावर बाहेरचे कोणतेही अन्न, पेये, शस्त्रे किंवा इतर हानिकारक वस्तू आणण्यास पूर्णपणे बंदी घालण्यात आली आहे. प्रवाशांनी त्यांच्या मार्गानुसार (मुंबई-मांडवा किंवा मुंबई-विजयदुर्ग) अनुक्रमे ४५ किंवा ९० मिनिटे आधी टर्मिनलवर उपस्थित राहणे बंधनकारक आहे.
प्रवाशांच्या उत्तम अनुभवासाठी जहाजावरील सुविधांमध्येही भर घालण्यात आली आहे. जहाजावरील ‘मीमोज कॅफे’ आता नवीन सजावट आणि स्वादिष्ट पदार्थांच्या नव्या मेनूसह सज्ज झाले आहे. त्यामुळे प्रवाशांना या सफरीदरम्यान एका शानदार आणि आरामदायी प्रवासाचा आनंद लुटता येणार आहे.
