मुंबई : जयगड, रत्नागिरी बंदरातून काजू निर्यातीसाठी आढावा बैठक आज मंत्रालयात पार पडली. मत्स्यव्यवसाय व बंदरे मंत्री नितेश राणेंनी जयगड बंदरातून मोठ्या प्रमाणात काजू निर्यात व्हावी यासाठी संबधित विभागांनी आवश्यक प्रक्रिया गतीने कराव्यात अशा सूचना आढावा बैठकीत दिल्या.
जयगड बंदरातून मोठ्या प्रमाणात काजू निर्यात झाल्यास त्याचा कोकणातील काजू उत्पादकांना फायदा होईल. या बंदरातून काजू निर्यातीसाठी आवश्यक असलेल्या परवानग्या तातडीने मिळाव्यात यासाठीही संबंधित विभागाने कार्यवाही करावी. या आढावा बैठकीत पणन मंडळ, स्मार्ट व मॅग्नेट, एफएसएसआय, रेल्वे या विभागाकडील कामकाजाचा आढावा घेण्यात आला.
यावेळी मत्स्य आयुक्त किशोर तावडे, महाराष्ट्र सागरी मंडळाचे मुख्य कार्यकारी अधिकारी पी. प्रदीप व इतर संबंधित अधिकारी उपस्थित होते. कोकणशाही मुंबई
