📕KOKANSHAHI NEWS CHANNEL |
✒️ब्युरो न्यूज | कोकणशाही न्यूज ब्रेकिंग
सावंतवाडी, दि.१७:
महाराष्ट्र व गोवा राज्यातील भाविकांचे श्रध्दास्थान असलेल्या, सावंतवाडी शहराचे जागृत देवस्थान व ३६५ खेड्यांचा अधिपती असलेल्या श्री देव उपरलकर देवस्थानचा वार्षिक अभिषेक पूजा सोहळा ६ फेब्रुवारीला साजरा होणार आहे.
सावंतवाडीतील राजघराण्याचे दैवत असलेल्या या देवस्थानचा वाढदिवस दरवर्षी मोठा उत्सव म्हणून साजरा होतो. यावर्षीही त्या निमित्त सकाळपासून विविध कार्यक्रमांचे आयोजन करण्यात आले आहे. यात सकाळी अभिषेक व पूजा, उत्सवानिमित्त पूजापाठ, त्यानंतर सर्व भाविकांना दर्शन व तिर्थप्रसाद, नामांकीत भजनी कलाकारांचा भजनाचा कार्यक्रम होणार आहे. तर सायंकाळी ७ वाजता सावंतवाडी येथील महापुरुष दशावतार नाट्य मंडळाचा नाट्यप्रयोग होणार आहे. या कार्यक्रमाला सर्व भाविकांनी उपस्थित रहावे, असे आवाहन
श्री देव उपरलकर देवस्थानचे मानकरी विद्याधर नाईक शितप व शुभम नाईक शितप यांनी केले आहे.
