🟨 रवी चव्हाण साहेबांचा खरा लाभार्थी वैभव नाईक - हे जगजाहीर | आमदार निलेश राणेंनी मांडली रोखठोक भूमिका | kokanshahi

वैभव नाईक यांच्यावरून कुडाळ-मालवणचे आमदार निलेश नारायण राणे यांनी सोशल मीडियावरून जोरदार निशाणा साधला आहे.

“माझ्यावर गद्दारीचा कलंक नको होता म्हणून मी उबाठा सोडली नाही, हा २०२६ चा सर्वात मोठा विनोद आहे,” अशी बोचरी टीका नीलेश राणे यांनी केली आहे. वैभव नाईक हरलेच होते, त्यामुळे शेवटच्या क्षणी त्यांनी इलेक्शन फॉर्म दिला नाही आणि त्यावर हा नीच आहे, हे सगळ्यांना माहिती आहे, असा दावा राणे यांनी आपल्या पोस्टमधून केला आहे. तसेच, ज्या काँग्रेसने त्यांच्या कुटुंबाला सर्व काही दिलं, त्याच काँग्रेसला सोडून वैभव नाईक दुसऱ्या पक्षात गेले, हा घंट्याचा निष्काम असल्याची टीकाही त्यांनी केली आहे. “याला आता जिल्ह्यात कुठे उभं करत नाहीत, हा ग्रामपंचायतीला पडेल,” असा टोला लगावत राणे यांनी वैभव नाईक यांच्या राजकीय परिस्थितीवरही भाष्य केलं आहे. माझ्यामुळे त्याचे दोन भाऊ नगरसेवक झाले, पण हा नमकहराम विसरला, असा गंभीर आरोपही नीलेश राणे यांनी केला आहे. दरम्यान, “इथून पुढे काही बोललो तर माझे पदाधिकारी उत्तर देतील,” असं म्हणत त्यांनी पुढील काळात या विषयावर अधिक आक्रमक भूमिका घेण्याचे संकेत दिले आहेत. “आणि हो, रवी चव्हाण साहेबांचा खरा लाभार्थी वैभव आहे, हे जगजाहीर आहे,” असा दावा करत नीलेश राणे यांनी आपल्या पोस्टचा शेवट “जय महाराष्ट्र” म्हणत केला आहे.

Related Posts