🏥 एकाच ठिकाणी अनेक आरोग्य तपासण्या; १ ऑगस्टला पणदूरमध्ये मोफत शिबीर

सावंतवाडी : स्थानिक निधी लेखापरीक्षा दिनानिमित्त सहाय्यक संचालक, स्थानिक निधी लेखापरीक्षा कार्यालय, सिंधुदुर्ग आणि जिल्हा परिषद सिंधुदुर्गच्या आरोग्य विभागाच्या संयुक्त विद्यमाने शनिवार, १ ऑगस्ट रोजी सकाळी ११ वाजता पणदूर येथील सविता आश्रमात मोफत आरोग्य तपासणी शिबिराचे आयोजन करण्यात आले आहे.
या शिबिराचे उद्घाटन जिल्हा परिषद अध्यक्ष प्रमोद कामत यांच्या हस्ते होणार असून, मुख्य कार्यकारी अधिकारी रवींद्र खेबुडकर, जिल्हा परिषद उपाध्यक्ष तुकाराम ऊर्फ दादा साईल, आरोग्य व शिक्षण सभापती प्रीतेश राऊळ तसेच जिल्हा आरोग्य अधिकारी डॉ. सई धुरी यांची प्रमुख उपस्थिती लाभणार आहे.
शिबिरात हिमोग्लोबीन, रक्तातील साखर (शुगर) आणि रक्तदाब यांसह विविध आरोग्य तपासण्या मोफत करण्यात येणार आहेत. स्थानिक निधी लेखापरीक्षा दिनाचे औचित्य साधून आयोजित करण्यात आलेल्या या उपक्रमाचा लाभ परिसरातील सहाय्यक संचालक, स्थानिक निधी नागरिकांनी घ्यावा, असे आवाहन लेखापरीक्षा कार्यालय, सिंधुदुर्ग तसेच कार्यालयातील अधिकारी व कर्मचाऱ्यांनी केले आहे.