🩸 मुख्यमंत्री देवेंद्र फडणवीसांच्या वाढदिवसानिमित्त मालवणात महारक्तदान शिबीर

मालवण : मुख्यमंत्री देवेंद्र फडणवीस यांच्या वाढदिवसानिमित्त भारतीय जनता पक्ष, मालवणतर्फे बुधवार, २२ जुलै रोजी महारक्तदान शिबिराचे आयोजन करण्यात आले आहे. हे शिबीर भारतीय जनता पक्षाच्या मालवण कार्यालयात आयोजित करण्यात येणार असून नागरिकांनी मोठ्या संख्येने सहभागी होऊन रक्तदान करून सामाजिक बांधिलकी जपावी, असे आवाहन करण्यात आले आहे. रक्तदान हे सर्वश्रेष्ठ दान मानले जाते. त्यामुळे अधिकाधिक रक्तदात्यांनी या महारक्तदान शिबिरात सहभागी होऊन गरजू रुग्णांना’ जीवनदान देण्याच्या या पवित्र कार्यात योगदान द्यावे, असे आवाहन भाजप मालवणचे अध्यक्ष धोंडी चिंदरकर आणि मालवण शहर प्रभारी पंकज सादये यांनी केले आहे.