साईनाथ गांवकर / kokanshahi
आज दुपारी ४ वाजेनंतर राज्यातील शहरी स्थानिक स्वराज्य संस्था निवडणुकीची घोषणा होण्याची शक्यता आहे. निवडणूक आयोगाच्या पत्रकार परिषदेत निवडणूक कार्यक्रम घोषित होण्याची शक्यता वर्तविली जातं आहे. पहिल्या टप्प्यात राज्यातील नगरपालिका आणि नगर परिषदेच्या निवडणूका घेतल्या जातील अशीही शक्यता वर्तविली जातं आहे.
डिसेंबरमधील हिवाळी अधिवेशनानंतर ग्रामीण स्थानिक स्वराज्य संस्था अर्थात जिल्हा परिषद आणि पंचायत समिती निवडणूक घेतल्या जातील. त्यासाठी डिसेंबर मध्ये स्वतंत्र निवडणूक कार्यक्रम घोषित केला जाईल. जानेवारीत महापालिका निवडणूक घेतल्या जातील. प्रत्येक निवडणूक प्रकिया २१ दिवसात पूर्ण करण्याचे आयोगाचे नियोजन असल्याचे सूत्रांकडून समजते. त्यानुसार नामांकन भरणे ते प्रत्यक्ष मतदान आणि मतमोजणी हे २१ दिवसाचे शेड्यूल जाहीर केले जाण्याची शक्यता आहे.
