मागील काही दिवसांपासून मुख्यमंत्री माझी लाडकी बहीण योजनेबद्दल प्रचंड अफवा सोशल मिडीयावर सुरु असून या प्रकरणी आदिती तटकरे यांनी स्पष्टीकरण देत लाडक्या बहिणींच्या सन्माननिधीबाबत सरकारची भुमिका स्पष्ट केली आहे.
महाराष्ट्र सरकारने महत्त्वाकांक्षी मुख्यमंत्री माझी लाडकी बहीण योजना सुरु केली होती. या योजनेला महाराष्ट्रातून लाडक्या बहिणींनी मोठा प्रतिसाद मिळालेला आहे. या योजनेत दोन कोटीहून अधिक अर्ज आले असून दीड कोटीहून अधिक लाडक्या बहिणींच्या खात्यावर दर महिन्याला १५०० रुपये थेट जमा होत आहेत.आतापर्यंत पात हप्ते या योजनेत मिळलेले आहेत.
दरम्यान विधानसभा निकालानंतर, या योजनेतील निकष बदलणार अशा बातम्या सोशल मिडीयावर पसरल्या आहेत. योजना बंद होणार असा अपप्रचार सुरु होता त्याबाबत आमदार आदिती तटकरे यांनी खुलासा केला आहे.
“लोकांनी कोणत्याही अफवांवर विश्वास ठेवू नये. या योजनेचे निकष बदलणार नाहीत. तशा पद्धतीच्या कोणतेही लेखी आदेश किंवा शासन निर्णय घेतलेला नसल्याचे’ आदिती तटकरे यांनी स्पष्ट केले आहे. ही योजना मुख्यमंत्री देवेंद्र फडणवीस यांच्या नेतृत्वाखाली सुरुच राहणार असल्याचे आदिती तटकरे यांनी स्पष्ट केले आहे.
