आरोंदा : आरोंदा-सिंधुदुर्ग येथील बीएसएनएल टॉवरद्वारे गोव्याच्या हद्दीत मिळणारी रेंज गेल्या दीड-दोन महिन्यांपासून मिळत
नसल्याने मोबाईलधारकांची गैरसोय होत आहे. आरोंदा सिंधुदुर्ग येथे बीएसएनएल टॉवर आहे. आरोंदा सिंधुदुर्ग. व गोव्याच्या मध्ये तेरेखोल नदी असून या नदीच्या पलिकडे देवसू, मानशीवाडा, भालखाजण, पालये, किरणपाणी, केरी आदी गावे आहेत. भौगोलिकदृष्ट्या हे गाव गोव्याच्या हद्दीत असले तरी या गावांच्या वर उंच डोंगर असल्याने व हे गाव खाली असल्याने अंतराने जवळ असलेल्या टॉवरची रेंज मिळत नाही. उलट आरोंदा येथील टॉवरचे अंतर हे गोव्याच्या हद्दीजवळ असून कोणत्याही अडथळ्याशिवाय मोबाईलला चांगली रेंज मिळत असे. बीएसएनएलला चांगली रेंज मिळत असल्याने गोव्याच्या हद्दीतील बऱ्याचजणानी बीएसएनएल कार्ड घेतले. मात्र, गेले दीड-दोन महिने या भागात रेंज मिळत नसल्याने ग्राहकांना मनस्ताप सहन करावा लागतोय. या भागातील काही ग्राहक आरोंदा येथे समस्या मांडण्यासाठी गेले असता, तेथील कार्यालय बंद केल्याचे समजले.कोकणशाही आरोंदा
